• A A A

    میللی کیملیک سیمگه‌سی

    https://anlam.biz/

    زبان مادری | Ana Dili

    https://anlam.biz/

    مصاحبه‌ای با عباس ولی در باره‌ی زبان مادری

    https://anlam.biz/

    باغیش سیمگه‌سی

    https://anlam.biz/

    Musiqi

    https://anlam.biz/ Ozan Neşet Ertaş

    بیر آن دایانیب گئری‌یه باخارساق | سوسن رضی

    من هر نه فیکیرلشیرم یئنه ده باش تاپا بیلمیرم نیه بیز انسان‌لار، هر زامان ایتیردیک‌لریمیز گون‌لرین حسرتینی چکیر، الیمیزدن قاچیردیغیمیز فرصت‌لر اوچون حئییف‌سیله‌نیریک. زامانیمیزی یییه‌لنمه‌دن، دوغرو یؤن وئرمه‌دن، گره‌یینجه اوندان یارارلانمادان اونو  الدن وئرمکدن گیلئیله‌نیب افسوس ائدیریک. سونرا دا مین‌بیر بهانه یا دا اما- اگر ایله هر شئیی اونون – بونون باشینا سالیر، شیلتاق ائدیریک. داها دوغروسو اؤزوموزو بیر تهر یاهالدیب سه‌ریییریک: ائله اولسایدی بئله اولاردی، فیلانکس قویمادی، بئهمانکس باعیث‌کارلیق ائله‌دی، واختیم اولمادی، اؤیره‌ده‌نیم اولمادی…. و بونا بنزر مین‌لرجه بهانه ایله هم اؤزوموزون هم ده او بیری‌لرین باشینا شیره یاخیریق عؤمروموزجه.

    هر زامان گله‌جک خیالی و آرزوسویلا بوگونوموزو یاشاماغی اهمال ائدیب بلیرسیز یارین‌لارا قوربان ائدیریک؛ دیپلوموم اولسا بو ایشی گؤررم، توکانیم اولسا او ایشی گؤررم، ائو آلسام … ائولنسم… ماشین آلسام…سرمایام اولسا…و نهایت بیر گون گلیب چاتیر، باش آغاریر، دیش تؤکولور، بئل بوکولور، و سن گؤرورسن خوشبخت‌لیییه چاتماق اوچون، هئچ یاشامادان، خوشبخت‌لییینی ایتیرمیسن. دوغروسونا دورساق خوشبخت‌لیک، گله‌جکده بولاجاغیمیز بیر شئی دئییل، خوشبخت‌لیییه دوغرو جان آتدیغیمیز، یئری‌دییمیز یول دور.

    بیر آن دایانیب گئری‌یه باخارساق، نیسگیل‌ یا دا حسرتلی‌جه دئییل، آراشدیریجی گؤزلرله باخارساق، هانسی اولاسیلیق‌لاری، هانسی فرصت‌لری یاشامادان نئجه ایتیردییمیزی اینجه‌له‌یه بیلرسک، نئجه ده ده‌یرلی بیر خزینه‌نین کناریندان سایمازجا کئچدییمیزین فرقینه واراریق بلکه ده.

    هر بیر گؤروش، هر بیر اویاری، هر هانسی بیر اولای، دویدوق‌لاریمیز هرنه‌سه و س…بیزیم اوچون یارانان فرصت‌لردیرلر. بو فرصت‌لری تانیماق، اؤنمسه‌مک و ده‌یرلندیرمک، اونلاردان داها اولوملو یارارلانماق امکانینی یارادار بیزلر اوچون. خوشبخت‌لیک فرصت‌لری  قاوراماق، قاپساماق و دوغرو دوزگون یؤنه‌لتمک اولسون گرک.

    گون‌لر تقویمده‌کی صفحه‌لر کیمی آرد- آردا واراقلانیر اونودولور کئچیر…و بیزلر چوغو گون‌لری روتین ایش‌لرله گئجه‌له‌ییریک و اوزاق بیر یئرلرده، ایتیردیییمیز خوشبخت‌لییی گزیریک همیشه. زامانی، یاشاماق اوچون خرج‌لمک اولدوقجا دوغال دیر، آنجاق  توپلومسال ذکا و بیلگیلی پلانلامالارلا  زاماندا یارانان هر بیر فرصتی اوره‌تگن بیر یاشام آلانینا چئویرمک اولار. بئله‌جه یاشامین هر ساحه‌سی آماجلی، ائتکیله‌ییجی و وئریملی اولار؛ هم اؤزوموز، هم یاخین‌لاریمیز، هم ده توپلوموز اوچون.

    Anlam.Biz

    Nəşr olunan yazı və xəbərin bütün haqları Anlam.Biz`ə aiddir. Özəl icazə alınmadan yazı və xəbər heç bir şəkildə istifadə edilə bilməz. Ancaq yazı və xəbərin bir bölümü aktiv link verilərək götürülə bilər.

    About the Author:

    Related posts:

    پاسخ دهید

    نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

    شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

    Powered by WP Robot